Joan den urtean, Aste Nagusian bakarrik, erakusketak 23.000 bisitari baino gehiago izan zituen

Erakusketa 1988ko belaunaldiko pertsonaiek osatzen dute gehienbat, eta horiek ikusteko aukera egongo da uztailaren 1etik irailaren 2ra

Euskal Museoak, erakusketaz gain, hainbat jarduera eskainiko ditu: kalejira, lehiaketak, gaztetxoentzako tailerra eta Erraldoi Txikien 1. topaketa handia

Euskal Museoak ohiko bihurtu den Erraldoi eta Buruhandien erakusketa aurkeztuko du. Oraingoan, 1988ko belaunaldiko 10 erraldoik eta 9 buruhandik osatzen dute erakusketa. Gainera, Pitxitxi eta Lina, 1998ko bikotea, egongo dira bertan, bai eta 1980ko bikote bat ere, Museoaren sarreran. Halaber, 2012an Bilboko Konpartsek enkargatu zuten buruhandia ere egongo da ikusgai (Juan Carlos Eguileorrek 1978ko Aste Nagusiko zapi urdinerako diseinatu zuen armarriarekin). 2018ko uztailaren 1etik irailaren 2ra bitartean ikusi ahalko da erakusketa; izan ere, inauguratu berri den klaustro estalian egongo dira ikusgai pertsonaia ezagun horiek guztiak.

Erakusketa ez da izango Bizkaiko erakundeak Bilboko Erraldoi eta Buruhandien inguruan antolatu duen jarduera bakarra. Uztailaren 4an, 17:00etatik 19:00etara bitartean, Museoan hasiko den erraldoien eta erraldoi txikien kalejirak musikaz eta dantzaz beteko du Bilboko Alde Zaharra, Erraldoien Ondalan Konpartsaren eskutik. Eta, betiko moduan, etxeko txikienek funtsezko garrantzia izango dute erraldoi eta buruhandiekin lotutako egitarauan. Umeentzako “Erraldoiak dantzarazten” tailerra Euskal Museoan izango da uztailaren 5ean, 12an eta 19an (ostegunak), 11:00etatik 13:00etara. Jarduera 15 urtetik beherakoei zuzenduta dago, gaztetxoei pertsonaia ezagun horiek dantzarazten irakasteko asmoz, haien tamainari egokituta. Parte hartzeko, beharrezkoa izango da aldez aurretik izena ematea 94 415 54 23 telefono zenbakian; matrikulak 3 euroko prezioa du, eta saio bakoitzerako 25 plaza egongo dira, gehienez.

Tailerra osatzeko, bildumagileak gonbidatzen ditugu euren gomazko Erraldoi Txikiak ekartzera, museoko patioan horiekin jolasteko. Txikienek (6 urtetik beherakoak) marrazkiak, margo-lanak eta txapak egiteko tailerraz gozatu ahalko dute.

EGITARAUA

ASTE NAGUSIA 2017
Abuztuak 20-27

IBILBIDEAK 11:00etatik

DOMEKA 20
Museo Vasco - Sombrerería - Correo - Puente Arenal - Navarra - Plaza Circular - Navarra - Puente Arenal - San Nicolás - Askao - Unamuno - Museo Vasco
ASTELEHENA 21
Museo Vasco - Sombrerería - Correo - Puente Arenal - Navarra - Plaza Circular - Gran Vía - Berastegi - Ledesma - Buenos Aires - Ayuntamiento - Sendeja - Esperanza - Askao - Unamuno - Museo Vasco
MARTITZENA 22
Museo Vasco - Unamuno - Sombrerería - Víctor - Bidebarrieta - Arriaga - Arenal - Viuda Epalza - Sendeja - Esperanza - Askao - La Cruz - Cinturería - Santiago - Bidebarrieta - Lotería - Banco España - María Muñoz - Museo Vasco
EGUAZTENA 23
Museo Vasco - Unamuno - Plaza Nueva - La Cruz - Somera - Ribera - Stos. Juanes - Atxuri - Pza. Encarnación - Atxuri - Ribera - Tendería - Santiago - Cinturería - La Cruz - Unamuno - Museo Vasco

EGUENA 24
Museo Vasco - Sombrerería - Correo -  Puente Arenal - Navarra - Plaza Circular - Gran Vía - Berastegi - Ledesma - Buenos Aires - Ayuntamiento - Sendeja - Esperanza - Askao - Unamuno - Museo Vasco
BARIKUA 25
Museo Vasco - Unamuno - Sombrerería - Víctor - Bidebarrieta - Arriaga - Arenal - Viuda Epalza - Sendeja - Esperanza - Askao - La Cruz - Cinturería - Santiago - Bidebarrieta - Lotería - Banco España - María Muñoz - Museo Vasco
ZAPATUA 26
Museo Vasco - Unamuno - Plaza Nueva - La Cruz - Somera - Ribera - Tendería - Santiago - Bidebarrieta - Perro - Santa María - Jardines - Bidebarrieta - Arenal - Correo - Banco España - La Cruz - Unamuno - Museo Vasco
DOMEKA 27 (10:30)
Plaza Circular - Navarra - Puente Arenal - Arenal - San Nicolás - Askao - La Cruz - Somera - Ribera - Tendería - Santiago - Bidebarrieta - Arenal - Correo - Sombrerería - Unamuno - Museo Vasco

Euskal Museoak, Erraldoien Ondalan Konpartsarekin elkarlanean, dantza-eskola bat antolatuko du uztailaren 6an, 13an eta 20an, teknika hau ikasteko klase magistralez gozatzeko

Izandako arrakasta dela-eta, Euskal Museoak aurten ere harrera egin die Bilboko Erraldoiei klaustroan. Horregatik, ‘Erraldoiak dantzarazten’ tailerrak ezin zuen hutsik egin 2017ko edizioan. Ikastaroa gazteek teknika hau ikas dezaten antolatu da, Erraldoien Ondalan Konpartsaren eskutik. Uztailaren 6an, 13an eta 20an, 11:00ak eta 13:00ak bitartean, etxeko txikienak erraldoien jaun eta jabe izango dira. Euren tamainara egokituta daude, eta musikaren erritmoan dantzaraziko dituzte. Gainera, Museoak txikienentzako haur-tailerra eskainiko du: marrazkiak, pintura, txapak... Jarduera horrekin, begiraleekin batera, modu dibertigarrian gozatuko dute jardunaldiaz. Plan paregabea, udako oporretarako.

ilboko erakundeak deialdia egiten du, uztailaren 21ean, 11:00etatik 14:00etara, gomazko pertsonaia herrikoi horietako mordoa bildu daitezen Klaustroan

Euskal Museoak Bilbon sekula ikusi ez den zerbait lortu nahi du. Hori dela eta, uztailaren 21ean, gomazko Erraldoi Txikien 1. Kontzentrazio Handia antolatu du, Klaustroan. Ekimenaren asmoa da, 11:00etatik 14:00etara bitartean eta aipatutako tokian, pertsonaia herrikoi horietako ahalik eta kopururik handiena biltzea. Jai-giroan ospatuko den egun horrek argazki ikusgarria utziko digu.

Ekitaldian, nahi duten guztiek hartu ahal izango dute parte, eta, gehienez, pertsona bakoitzak Erraldoi Txikien BIKOTE BAT ekarri ahal izango du. Piezak markatuta egon beharko dira oinarrian, jabearen izenarekin eta telefono-zenbakiarekin. Ekimenaren helburua da DRAGOI-MUNSTRO (TARASKA) itzel baten bizkarrezurra neurri txikiko pertsonaia ezagun horiekin betetzea.